Waxaa gabaygan tiriyey CALI CILMI AFYARE, wuxuuna ku amaanaya gabadh la yidhaahdo Saynab, oo si aad ah u deeqdey, wuxuna aad iyo aad ugu sifeynayaa akhlaaqdeeda, jaaheeda iyo joogeeda israacsan iyo sida Rabbi u shubay, iyo weliba dabci wanaageeda. Wuxuuna ku bilaabay sidatan:

Inan yahay aduunyada haddaan dhab u ilaaleeyey
Adimadda intii aan ku maray ama la ii sheegay.
Afarta beeyni jaho naagahaa Eebbee ku abuuray.
Asaraar haddaan lagu hadlayn ama la awdaynin.
Annigoo aqoon u leh haddaan xaq abaaraayo.
Illaah igu og inaad Saynabey ugu horaysaaye.
Asluubtaada goortaan arkiyo oogadiyo jaaha
Afka iyo indhaha nuurayiyo edebta loo yeelay.
Adimadiyo laafyaha kolkay aayar soconayso.
Ashkharaar u dhimay Yuusufow ee ninkii yidhiye.
Arwaaxiyi laftay iga gashiyo uurka feeraha e.
Iimaankii baa iga qabsaday aragtideediiyee.
Aalaaba waa aroos iyo inay oori noqotaaye.
Araggeeda keliyaa malyuun lagu ilaawaayee.
Ayaan anigga iga roon ninkay ubad u qaadaaye.
Iyaddoo agtayda fadhida oo ubaxna ii laacday.
Argagaxa hurdada leylki baan aqalka moodaaye.
Sidii Geel ilmihi laga xiroo ololay oo reemay.
Hadba anigu meeshay jirtaan ku ag wareegaaye.
Yurub iyo aasiyiyo aqaladii shiina.
Afrikaanka oo idil haddii laysku soo urursho.
Axad kuu weligay ma arag inna adeereeye.
Awal haddaad u tahay waa inaan ku ogolaadaaye.
Afka inaan ka sheegiyo amaan gibin ah mooyaane.
Asluubtaada lama gaari karo aynigay tahaye..
Ilwaad quruxsan leeyeey mid kale waan ka ood nahaye.
Waa inaad ayaan qura qalbiga iiga olashaaye.